هلا وغلا .. شخباآآآركمـ

هلا وغلا .. شخباآآآركمـ
.
.
.
.

اول شي بعرفكم على الشخصيات..

بيت بو نهيان..
بونهيان: انسان طيب يحب عياله وايد ويخاف عليهم ومرات يكون عصبي ومحد يقدر يوقف فويهه
ام نهيان: حبوووبه تحب عيالها وايد وخصوصا عزوز لان اخر العنقود ماترفض له طلب طول عمرها تتمنى تجوف احفادها قبل لا تموت
نهيان:حليو وعيونه كبار وشعره طويل عمره 20سنه يشتغل فالشركه ويا ابوه وعمه [ بو هزاع ]
فطوم:حلوة شعرها طويل وعيونها وساع عمرها 18سنه فالكليه
نورة:حلوة شعرها مب وايد طويل وعيونها كبار عمرها17سنه صف ثالث ثانوي
عزوز : اخر العنقوود عمره 7 سنووات يشبه نهيان

بيت بو هزاع..
بو هزاع: انسان طيب يخاف ربه يحب عياله وايد ويخاف عليهم شخص متفاهم
ام هزاع: حبوبه وطيوبه مرات تحب تحش فالناس بس قلبها ابيض وتحب الكل وهي متفاهمه نفس ريلها [ كل شي بالتفاهم ينحل ]
هزاع: حليو وعيونه وساع وشعره طويل شرات نهيان عمره20سنه وهو ونهيان وايد ويا بعض ويتشغل وياهـ
وديمه:حلوة شعرها طويل وعيونها عاديه هب وايد كبار وعمرها 18 سنه ويا وديمه فالكليه
الريم:خلوها على صوب شرات البويه كلهـ تحب سوالف الشباب حلوة وشعرها قصير طبعا لانها بويه وعمرها 17 سنه رسبت سنه والحين هي ثاني ثانوي
عبادي : اخر العنقود عمره 7 سنوات ياخذ من ملامح وديمه


فطوم توها قايمه من الرقاد نزلت تحت شافت امها وابوها وسارت باست راسها امها وابوها ويلست تتريق..
بونهيان:فطوم عيل وين خواتج؟
فطوم:رقود في سابع نومهن انا الوحيده فديتني نشيطه
بونهيان: امحق
فطوم: نعم ابويه شو قلت ؟؟
بونهيان: ها ... لا ولاشي
وشوي تنزل نورة ..
نورة: صباح الخير
بونهيان- ام نهيان – فطوم: صباح النور
راحت نورة وباست راسها امها وابوها ويلست تتريق
نهيان نازل من الدري يزاعق: فطوم فطوم
فطوم: نعم خير .. اسمي مرة وحده يكفي
نهيان: ليش تخافين يخلص
فطوم: ههههههه سخيف
نهيان: انزين خذي عزوز يالس يصيح
فطوم فخاطرها: خدامه ابوك انا
خذت فطوم عزوز وعطته حق الخدامه وسار نهيان يكمل رقاد
بونهيان: نويرة سيري يابنتي وعي اخوج بسه رقاد
نورة: ابويه يالسه اتريق عقب بوعيه
بونهيان: يلا عاد عن البزى
نورة: انزين انزين الحين بسير
سرات نورة توعي نهيان
نورة: نهيان
نهيان: هممممم
نورة:نهيان قوم قوم بسك رقاد
نهيان:اففف ماتخلون الواحد يرقد
نورة: يلا عاد عن الكلام الزايد قوم
نهيان: انزيــــــــــــــــــــــــــــــن
نزلت نورة تحت وقام نهيان يغسل ويهه ونزل تحت
نهيان: السلام عليكم
الكل: وعليكم السلام
باس نهيان راس امه وابوه وقعد يتريق
نهيان: يلا انا اترخص .. تامروني بحايه
الكل: سلامتك
ام نهيان: وين بتسير؟؟
نهيان: بسير ويا هزاع بنحاوط عقب بنتغدى برع
بونهيان: لاتنسون ياولدي الصلاة
نهيان: ان شاء الله ابوي .. يلا مع السلامه
الكل: الله يحفظكم
وصل نهيان بيتكم فزاع
نهيان يتصل بـ فزاع : وينك ياربال خيستني فالحر
هزاع: صبر خلني اكل
نهيان: يالبوتمبه بسك اكل
هزاع : ههههههههههه كح كح حلوة هاي بوتمبه .. اقول ادخل البيت
نهيان: اوكي
نزل نهيان من السيارة واول مادخل شاف وديمه ظاهرة من المطبخ اللي برع
نهيان: احم احم

ترقبوووووووووووووا التكملـــــــــــــــــــــــــــــــــــــــه ..

تابع البارت1

نهيان: احم احم
وديمه: بسم الله
نهيان: شو شايفه جدامج يني
وديمه فخاطرها: سخيف
نهيان: شحالج يابنت العم
وديمه: يسرك حالي ومن صوبك
نهيان: بخير دام اني شفتج
وديمه اونها استحت
وديمه: مب جنك وايد ماخذ راحتك .. بااي
نهيان بل كاش فالويه هههه بااي
دخل نهيان الصاله
نهيان: السلام عليكم
بو هزاع- ام هزاع- هزاع : وعليكم السلام
نهيان: شحالكم
الكل: بخير وسهاله ومن صوبك
نهيان: يسركم الحال
ام هزاع: شخبار امك؟
نهيان: تمام يسرج حالها
ام هزاع: سلم عليها
نهيان: يبلغ .. هزاع يلا قوم
هزاع: يلا فداعه الله
ام هزاع وابو هزاع: فداعه الرحمن
ظهروا هزاع ونهيان وساروا البحر
بيت بو هزاع وبالتحديد غرفة وديمه
وديمه قالت حق الريم انها شافت نهيان
وديمه: فديتــــــــــــــــه..
الريم: وديمه بلاج ينيتي!؟
وديمه: ....................
الريم: افففف ملل فخاطري اظهر
وديمه: قومي نكلم امايه
نزلوا وديمه والريم تحت شافوا امهم
وديمه: امايه نبى نظهر
ام هزاع: وين بتسيرون؟
الريم: اممممم بوظبي مول
ام هزاع: برايكن ظهرن ماعندي مانع
ربعن وديمه والريم فوق
سارت وديمه تتصل في بنات عمها
وديمه: السلام عليكم
ام نهيان: هلا بابنيتي وعليكم السلام .. شحالكم
وديمه: يسرج حالنا
ام نهيان: خير يابنتي بغيتي شي
وديمه: بغيت فطوم
ام نهيان: صبري بناديها
فطوم: هلا بالزين كله
وديمه: اهلين .. شحالج غلاياا
فطوم: يسرج الحال ومن صوبج
وديمه:بخير ونعمه .. اقوول بنظهر انا والريم بنسير بوظبي مول بتسيرون ويانا..
فطوم: صبري بكلم امايه
وديمه: اوكي
فطوم: امايه عادي نسير مع وديمه والريم بوظبي مول
ام نهيان: برايكن يابنتي سيروا
فطوم: الوو .. امايه قالت برايكن سيروا
وديمه: خلاص اليوم العصر الساعه5 بنسير اوكي
فطوم: اوكي ..
وديمه: يلا باي
فطوم: باي
فطوم سارت فوق تخبر اختها نورة
صوب نهيان وهزاع فالمطعم
نهيان: بعد الاكل بنسير المول
هزاع: اوكي
صار العصر .. طبعا البنات يالسات يتكشن
وديمه لبست جينز وقميص وردي عليه جاكيت قصير جينز ورفعت شعرها وحطت ميك اب خفيف ورسمت عيونها بالجحال
الريم كانت لابسه جينز وقميص كم قصير شرات البوياات ورافعه عباتها لين نص ايدها [ حركات بويات ]
عبادي كان شكله كيووت لابس كندورة كركميه وحمدانيه مطقم ويا عزوز
وديمه: الريم حطي عالاقل جحال
الريم: شو جحال انتي الثانيه ياحبكم للمكياج
وديمه: اووه صح نسيت انج بويه
الريم: اييه عن الغلط
وديمه: يلا انزين خلصي تاخرنا
مروا على فطوم ونورة ..
فطوم لابسه بنطلون رصاصي وفوقه بدي وردي ورسمت عيوونهااا بالجحال وحطت قلوز
نورة لابسه بنطلون جينز وعليه تنورة قصيره حاطه عليها سلاسل وقميص عينااوي فاتح
المهم .. ~
وصلوا المول ..
نورة: وييه ها مب نهيان ..
فطوم:هيه هو وهزاع
نهيان: فطووم شو يايبنكم المول؟؟